ë shumë se kurrë, kompanitë serioze po zgjedhin të prodhojnë produktet e tyre pa testuar te kafshët. Për njerëzit që kërkojnë të heqin dorë nga të gjitha sendet që vijnë nga kafshët, kozmetika vegane është rruga që zgjedhin. Pa mizori (cruelty free) do të thotë që produkti është krijuar pa asnjë test mbi kafshët, ndërsa vegan do të thotë që produkti nuk përfshin asnjë përbërës me prejardhje nga kafshët.
Për shkak se termat "pa mizori" dhe "jo të testuar te kafshët" nuk janë të përshtatura ligjërisht, çdo markë mund ta pretendojë këtë gjë, pavarësisht nëse janë të vërteta apo jo.
Disa koncepte të gabuara:
Një markë mund të pretendojë se produkti "nuk është testuar te kafshët", por kjo mund të mbulojë vetëm produktin e përfunduar - përbërësit individualë mund të jenë testuar te kafshët.
Kjo ndonjëherë mund të jetë e paqëllimshme pasi shumë marka nuk kanë akses në të gjithë zinxhirin e tyre të furnizimit. Ata nuk verifikojnë dot origjinën e secilit përbërës, si përpunohet dhe çfarë testimi është bërë.
Për më tepër, ndërsa një kompani mund të pretendojë, "Ne nuk testojmë te kafshët", ajo ende mund të kontraktojë kompani dhe furnitorë të tjerë për të bërë testime për to.
Logo të paverifikuara: çdo markë mund të vendosë një imazh lepurushi në produktin e tyre, por nëse nuk vjen nga një organizatë e verifikuar Cruelty Free si PETA ose Leaping Bunny, nuk mund të jeni të sigurt për vertëtësinë e saj.
Mënyra më e mirë për t'u siguruar që po blini produkte Cruelty Free: kërkoni certifikatat dhe logot PETA dhe Leaping Bunny. Markat që janë të certifikuara me këto organizata i nënshtrohen një procesi vlerësimi për të siguruar që asnjë testim kafshësh nuk përdoret në asnjë fazë të zhvillimit të produktit nga kompania, prodhuesit e saj ose furnizuesit e përbërësve të saj.
500,000 lepuj, minj, derra, minj, brejtës, majmunë, mace dhe qen ende vuajnë dhe vdesin çdo vit për testimin e kozmetikës. Dhe për eksperimentet e kafshëve në përgjithësi, ky numër është rreth 150 milionë.
Fatmirësisht testimi i kafshëve kozmetike është reduktuar ndjeshëm vitet e fundit. Ndërsa konsumatorët janë ndërgjegjësuar për këtë çështje dhe kanë filluar të kërkojnë produkte Cruelty Free, markat kanë filluar t'i kushtojnë më shumë vëmendje. Ndërsa testimi i më pak kafshëve është një gjë e mirë, idealja është që kjo gjë të përfundojë.
.gif)
