e të gjithë duam flokë të trashë dhe të shëndetshëm, ndaj me shumë mundësi, një nga qëllimet tuaja të kujdesit për flokët është të gjeni produkte dhe përbërës që ndihmojnë në shëndetin e tyre të përgjithshëm. Në Tiktok është bërë shumë viral vaji i Rozmarinës. Shumë përdorues thonë që ky produkt i ka ndihmuar shumë në rritjen dhe në shumimin e flokëve.
Po sa është e vertetë? Le ta shohim ç’thonë ekspertët për këtë gjë.
Çfarë është vaji i rozmarinës dhe si i bën mirë flokëve tuaj?
Vaji esencial i rozmarinës nxirret nga bima e rozmarinës, një kaçubë me gjelbërim të përhershëm me gjethe si gjilpërë dhe një aromë druri. Studimet kanë treguar se ka një mori aplikimesh shëndetësore; si rezultat, është një përbërës popullor i përdorur në shumë prej produkteve të sotme të bukurisë. Sipas ekspertëve, ky vaj ka disa përfitime që lidhen me flokët. Vaji i rozmarinës gjithashtu përmban veti anti-inflamatore dhe antibakteriale për të eliminuar akumulimin dhe është një antioksidant i fuqishëm (që do të thotë se mbron flokët tuaj nga agresorët mjedisorë).
A nxit vaji i rozmarinës rritjen e flokëve?
Përgjigja e shkurtër është po. Vaji esencial i rozmarinës mund të ndihmojë në stimulimin e flokëve të shëndetshëm dhe të trashë. Ky vaj mund të përshpejtojë procesin e qarkullimit dhe rritjes së qelizave, i cili mund të funksionojë si një ilaç natyral për rritjen e flokëve më të trashë. Meqenëse është një anti-inflamator, ai përdoret për parandalimin e rënies së flokëve si dhe për rigjenerim.
Si duhet të aplikoni vaj rozmarine në flokët dhe lëkurën e kokës?
Vaji i rozmarinës është i dobishëm për të gjitha llojet e flokëve. Vetitë e këtij vaji funksionojnë për të krijuar folikula të shëndetshme të flokëve dhe për të parandaluar dëmtimin e mëtejshëm. Dhe ndërsa mund ta aplikoni në majat e flokëve tuaj, vaji i rozmarinës është më mirë të aplikohet në lëkurën e kokës. Përzieni disa pika vaj rozmarine me çdo vaj bartës, si vaji i arganit apo i bajames së ëmbël, dhe masazhoni atë në lëkurën e kokës 20 minuta para se të bëni dush, pasi kjo do të fuqizojë dhe ushqejë lëkurën tuaj. Mund ta përzieni edhe në shampon tuaj si dhe mund të shtoni edhe disa pika në produktet e kujdesit të flokëve që përdorni pas dushit.
.gif)
